2018 г. — 40 гадоў з часу ўвядзення ў эксплуатацыю Бярозаўскага мясакансервавага камбіната (1978), лаўрэата Прэміі Урада Рэспублікі Беларусь за дасягненні ў галіне якасці (2014)
Будаўніцтва мясакансервавага камбіната ў г. Бярозе Брэсцкай вобласці пачалося ў лістападзе 1972 г. па праекце Мінскага філіяла «Ленгипромясомолпроект» і вялося ў некалькі этапаў. Плошча тэрыторыі камбіната складае 20,2 га. У 1975 г. набыты халадзільнік 4 тыс. т адначасовага захоўвання мяса; у 1976 г. запушчаны мясатлушчавы цэх магутнасцю 120 т мяса у змену і другая чарга халадзільніка ёмістасцю 400 т адначасовага захоўвання мяса; у 1977 г. пачаў работу мясаперапрацоўчы цэх з выпускам каўбасных вырабаў 15 т у змену, паўфабрыкатаў і фасаванай прадукцыі 15–20 т (45 т перапрацаванага мяса ў змену).
8 лютага 2018 г. — 50 гадоў з часу ўвядзення ў строй Баранавіцкага камбіната жалезабетонных канструкцый (сёння — ААТ; 1968)
Камбінат жалезабетонных канструкцый у г. Баранавічы Брэсцкай вобласці створаны адпаведна загаду Міністэрства будаўніцтва БССР № 59 ад 10 лютага 1965 года. Уведзены ў дзеянне 8 лютага 1968 года. Першым яго дырэктарам у 1968–1979 гады быў Павел Іосіфавіч Панамарэнка (1917–1985). Асноўная прадукцыя — зборны жалезабетон для грамадскага і прамысловага будаўніцтва.
17 студзеня 2016 г. – 55 гадоў з пачатку дзейнасці (1961) Бярозаўскага камбіната сілікатных вырабаў
ААТ «Бярозаўскі камбінат сілікатных вырабаў» заснаваны на базе Нова-Бярозаўскага вапнавага завода, які з’яўляецца адным з першых прадпрыемстваў у г. Бяроза Брэсцкай вобласці.
2015 г. – 55 гадоў з часу пачатку дзейнасці Брэсцкага дывановага камбіната (1960), буйнейшага вытворцы тканых дываноў у Беларусi (з 1994 г. – ААТ “Дываны Брэста”)
Будаўніцтва Брэсцкага дывановага камбiната з праектнай магутнасцю 45 тыс. кв. м дывановых вырабаў пачалося ў жніўні 1958 года. Для яго была выбрана пляцоўка за мікрараёнам Кіеўка на пачатку новай вуліцы Завадской (цяпер Янкі Купалы).
2014 г. – 70 гадоў з часу заснавання (1944) Баранавіцкага малочнага камбіната
Адкрытае акцыянернае таварыства «Баранавіцкі малочны камбінат» з’яўляецца адным з буйнейшых прадпрыемстваў малочнай прамысловасці Брэсцкай вобласці, уваходзіць у склад холдынга “Брэстмясамалпром”. Выпускае прадукцыю пад гандлёвымі маркамі «Раніца» і «Сырная волость», якія рэалізуюцца як у рэспубліцы, так і за яе межамі.
Верасень 2014 г. – 75 гадоў з часу заснавання ААТ «Пінскі мясакамбінат» (1939), прадпрыемства па переапрацоўцы мяса, лаўрэата конкурсаў «Лепшыя тавары Рэспублікі Беларусь» (2003, 2009, 2010, 2012) і «Лепшыя тавары Рэспублікі Беларусь на рынку Расійск
ААТ «Пінскі мясакамбінат» – адно з буйных сучасных прадпрыемстваў харчовай прамысловасці Брэсцкай вобласці. Яго гісторыя пачынаецца з верасня 1939 года. Больш арганізавана прадпрыемства пачало працаваць летам 1944 года, пасля вызвалення горада ад нямецка-фашысцкіх захопнікаў. У той час камбінат размяшчаўся па вул. Брэсцкай, 64.
20 снежня 2013 г. – 50 гадоў з пачатку дзейнасці (1963) Баранавіцкага вытворчага баваўнянага аб’яднання
Будаўніцтва Баранавiцкага баваўнянага камбіната пачалося ў 1960 годзе ў адпаведнасці з пастановай ЦК КПБ i Савета Мiнiстраў БССР ад 30 жнiўня 1958 года. Першыя вытворчыя магутнасці былі ўведзены 20 снежня 1963 года, запрацавалi 66 тысяч прадзiльных верацён. Дырэктарам тады працаваў Георгій Канстанцінавіч Цапаеў. Затым былi здадзены ў эксплуатацыю: першая прадзільная фабрыка ў 1964 годзе, другая прадзільная – у 1965 годзе, ткацкая фабрыка – у жнiўнi 1966 года, апрацоўчая вытворчасць – у лiстападзе 1969 года.
10 студзеня 2013 г. – 45 гадоў з часу ўвядзення ў строй дзеючых прадпрыемстваў Брэсцкай панчошнай фабрыкi (1968)
Брэсцкая панчошная фабрыка была заснавана ў 1965 годзе (распараджэнне Савета народнай гаспадаркi БССР ад 7.01.1965 г. № 11р), дырэктарам была назначана Раіса Уладзіміраўна Баруціна.
2013 г. – 90 гадоў з часу адкрыцця (1923) лесапільнага завода кампаніі “Тартак” у м. Косава (Івацэвіцкі раён)
Косава (Косаў) – горад у Івацэвіцкім раёне, які раскінуўся на беразе ракі Шчара. Знаходзіцца недалёка ад Івацэвічаў (15 км) i чыгуначнай станцыі Косава-Палескае (13 км).
«Брэсцкае пiва», адкрытае акцыянернае таварыства, шматпрофiльнае прадпрыемства па выпуску пiва i безалкагольнай прадукцыi (1976).
Брэсцкі камбінат безалкагольных напіткаў пачаў функцыянаваць у 1970 г., калі быў закладзены ў эксплуатацыю ўчастак па вытворчасці віна.